Spuna aðferðir sviðslista

Á þessu námskeiði fá nemendur að kynnast heimi spunaleikhúss og skapandi sviðslista í gegnum lifandi, hagnýtar og skemmtilegar æfingar. Unnið er með fjölbreyttar spunaaðferðir sem hjálpa þátttakendum að efla sjálfstraust, samskipti, ímyndunarafl og getu til að vinna skapandi með öðrum.

Kennslan fer að stórum hluta fram á gólfi þar sem nemendur taka þátt í verklegum æfingum, hópavinnu og skapandi leik. Áhersla er lögð á samvinnu, líkamlega tjáningu, hlustun og nærveru, auk þess að þróa færni til að bregðast við óvæntum aðstæðum og skapa efni í sameiningu með öðrum.

Nemendur fá einnig innsýn í hvernig hægt er að þróa texta, senur og handrit út frá spuna og hugmyndavinnu. Með fjölbreyttum æfingum er unnið að því að styrkja framkomu, ímyndunarafl og sköpunarkraft þátttakenda á opinn og hvetjandi hátt.

Námskeiðið hentar öllum sem hafa áhuga á leikhúsi, sköpun, samskiptum og skapandi samstarfi, hvort sem markmiðið er að efla færni í kennslu, leiðsögn, sviðsframkomu eða einfaldlega öðlast meira öryggi og frelsi í tjáningu og samvinnu með öðrum.