Spuna aðferðir sviðslista

Á námskeiðinu kynnast nemendur fjölbreyttum spuna aðferðum sviðslista í gegnum hagnýtar æfingar, hópavinnu og verklega kennslu á gólfi. Lögð verður áhersla á að efla færni nemenda í samvinnu, sjálfsöruggri framkomu, skapandi hugsun og líkamlegri tjáningu, auk þess sem unnið verður með aðferðir sem styðja við og auka skilning nemenda á hlutverki spunaleikarans.  

Áhersla verður lögð á verklega vinnu úti á gólfi en einnig verður snert á því hvernig vinna má texta/ hnadrit upp úr spuna. Í því samhengi verður unnið með fjölbreyttar æfingar sem efla samvinnu, ímyndunarafl og framkomu.  

Markmið námskeiðsins er að nemendur tileinki sér þessar aðferðir og geti beitt þeim í fjölbreyttu samhengi, bæði sem kennarar, leiðbeinendur eða þátttakendur í skapandi samstarfi.  

Í lok námskeiðs ætti nemandi að geta: 

• rætt og útskýrt ólíkar spunaðferðir

• beitt ólíkum spunaðferðum verklega 

• skrifað texta / handrit út frá spuna

• greint ólík tækifæri spunaaðferða í tengslum við fjölbreytt samhengi  

• nýtt spuna sem skapandi verkfæri

• ígrundað eigin vinnu, bæði munnlega og skriflega, í samhengi við námsefnið

Staðsetning: Háskólinn á Akureyri