Senuvinna fyrir kvikmyndir

Hið geysivinsæla námskeið, senuvinna fyrir kvikmyndir snýr enn og aftur í Opna Listaháskólann

Námskeiðið er sniðið að leikurum og áhuga leikurum sem vilja auka við möguleika sína og breidd í hlutverkavali.

Frábært tækifæri til að efla öryggi og leikgleði!

Námskeiðið er byggt upp með það að leiðarljósi að hver einstaklingur fái pláss og vægi – tækifæri til að blómstra útfrá því hvar hann er staddur.

Unnið er með aðferðir leiklistarinnar útfrá lykilhugtökunum: hindranir, ásetningur og vendingar.

Í upphafi eru æfingar sem allar miða að því að nemendur styrkist og skilji hvað drífur áfram senur þar sem fókusinn er út á við – á viðfangsefnið.

Smám saman verða æfingarnar flóknari og senur eru unnar í hverjum tíma.

Nemendur þurfa að vinna 2 og 2 og undirbúa verkefni milli tíma.

Í lokin eru senur teknar upp og nemendur hafa aðgang eftir á að þeim senum sem þau unnu að.

Dagskrá námskeiðis

Unnið er í 6 skipti – 3 tímar í senn. Alls 18 stundir.

Kl. 19:00 – 22:00

þriðjudagur 3. mars
fimmtudagur 5. mars
þriðjudagur 17. mars
fimmtudagur 19. mars
mánudagur 23. mars
þriðjudagur 24. mars.

Kennari námskeiðsins er Sigrún Sól

Sigrún Sól hefur kennt Senuvinnu fyrir kvikmyndir um árabil. Hún er menntuð sem leikkkona, leikstjóri og leiklistarkennari.

Hún hefur bæði leikstýrt og kennt á grunnskóla, framhaldsskóla, og háskóla stigi.

Hún kenndi við leiklistardeild Listaháskóla Íslands, Kvikmyndaskóla Íslands og hefur haldið námskeið í Þýskalandi, Finnlandi og unnið hér á landi með Eistneskum leikurum gegnum Erasmus prógramm.

Sigrún Sól hefur einnig stjórnað leikaravali i kvikmyndum, sjónvarpsþáttum og auglýsingum um árabil.

 

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám? Sjá frekari upplýsingar: Fræðslustyrkir

•