Ópera 27

Á námskeiðinu er fjallað um:

Hver var Gertrude Stein og hvers vegna er hún enn talin einn áhrifamesti listamaður tuttugustu aldarinnar? Á þessu námskeiði verður skyggnst inn í líf og verk Stein og þann heillandi heim listamanna, rithöfunda og hugsuða sem umkringdu hana í París á fyrstu áratugum síðustu aldar.

Fyrsti tími: Björn Halldórsson rithöfundur fjallar um skrif Stein, nýstárlegar hugmyndir hennar um tungumál í skrifum og þau áhrif sem hún hafði á samtíma sinn. Einnig verður rýnt í samband hennar við Alice B. Toklas, sem var bæði lífsförunautur hennar og nánasti samstarfsmaður. Ynda Eldborg listfræðingur segir frá því mikla gerjunartímabili í listum sem átti sér stað í upphafi síðustu aldar og þá listamenn sem umgengust Stein og Toklas, eins og t.d. Pablo Picasso, Henri Matisse, Ernest Hemingway og F. Scott Fitzgerald.

Annar tími: Bjarni Snæbjörnsson leikstjóri óperunnar 27 segir frá sviðsetningu nýlegrar óperu um Stein og Toklas í Borgarleikhúsinu. Íris Björk Gunnarsdóttir óperusöngkona og stofnandi HinÓperunnar segir frá rannsóknum sínum um hinseginleikann í óperum og segir frá 27 út frá sínu sjónarhorni.

Þriðji tími námskeiðsins fer fram í Borgarleikhúsinu þar sem kíkt verður á æfingu á óperunni 27. Þátttakendur fá að sitja æfingu, hitta söngvara og listræna stjórnendur verksins og kynnast því hvernig ópera verður til.

Dagsetningar:

20.október 18-20 – Bjarni og Íris Björk

27.október 18-20 rennsli í Borgarleikhúsinu

3. nóvember – 18-20 –  Björn og Aðalheiður

5. nóvember – kl 20.00 sýning í Borgarleikhúsinu

Sækja um → Nánari upplýsingar →