61. Feneyjatvíæringurinn í myndlist 2026

Ert þú á leið til Feneyja?
Feneyjatvíæringurinn í myndlist er ein mikilvægasta alþjóðlega stórsýning samtímalistar og er nú haldinn í 61. sinn. Á hverju ári ferðast fjöldi listunnenda til borgarinnar, en umfang sýningarinnar getur virst mikið: aðalsýning, um 100 þjóðarskálar og fjöldi samhliða viðburða víðs vegar um borgina. 

Á þessu stutta námskeiði færðu hnitmiðað yfirlit og hagnýta leiðsögn, frá sjónarhorni sýningarstjóra Íslenska skálans 2007, sem nýtist við undirbúning og skipulag heimsóknar. 

Á námskeiðinu verður fjallað um 

• Sögu Feneyjatvíæringsins og þróun hans 

• Framlag Íslands og íslenska skálann 

• Yfirskrift og áherslur tvíæringsins 2026 

• Þjóðarskála og helstu samhliða viðburði 

• Hvernig hægt er að velja sér leið um sýninguna út frá eigin áhugasviði 

Ávinningur 

Að námskeiði loknu munt þú: 

• hafa skýra innsýn í samhengi og mikilvægi tvíæringsins 

• þekkja framlag Íslands og skipulag þess 

• hafa yfirsýn yfir helstu sýningar og viðburði ársins 

• geta sett saman eigin dagskrá fyrir heimsókn 

Fyrirkomulag 

Námskeiðið fer fram í tveimur lotum 10. júní – Kl.17 – 19.30
Fjallað verður um efnið í fjórum meginhlutum:
sögu tvíæringsins, framlag Íslands, sýninguna 2026 og skipulag heimsóknar.

Staðsetning: Stakkahlíð 1, húsnæði Listaháskóla Íslands

 Kennari 

Hanna Styrmisdóttir er sjálfstætt starfandi sýningastjóri og ráðgjafi á sviði menningar. Hún var prófessor í sýningagerð við Myndlistardeild Listaháskóla Íslands (2020–2024) og listrænn stjórnandi Listahátíðar í Reykjavík (2012–2016). 

Árið 2007 var hún sýningastjóri íslenska skálans á 52. Feneyjatvíæringnum, þar sem hún vann með Steingrími Eyfjörð að sýningu hans Lóan er komin. 

Hanna hefur diplómagráðu á meistarastigi í gagnrýnum fræðum frá Malmö Konsthögskola, MA-gráðu í myndlist frá University of the Arts London og BFA-gráðu frá Parsons School of Design í París og New York. 

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám? Sjá frekari upplýsingar: Fræðslustyrkir

Sækja um → Nánari upplýsingar →