Automatic translation by Google Translate.We cannot guarantee that it is accurate.
Skoða vefinn á ÍslenskuSenuvinna fyrir kvikmyndir
Vegna frábærra viðbragða við námskeiðunum Senuvinna fyrir kvikmyndir sem þegar hafa verið haldin hjá Opna Listaháskólanum verður bætt við námskeiði í maí.
„Ég sótti námskeið í Senuvinnu hjá Sigrúnu Sól. Burt séð frá því hvað mér þótti gaman á námskeiðinu þá lærði ég alveg heilan helling. Og ekki stóð á árangrinum þvi í kjölfarið fór ég í prufur og fékk stórfín tækifæri og góð hlutverk, meðal annars í aðalhlutverk í stórri auglýsingu. Þannig ég eindregið mæli með þessu námskeiði, það bæði hjálpaði mér að verða betri í leik og útvegaði mér sambönd sem eiga eftir að nýtast í framtíðinni.“ Víðir.
Þetta sívinsæla námskeið er sniðið að sviðslistafólki og leikurum sem vilja styrkja möguleika sína í kvikmyndaleik
Frábært tækifæri til að efla öryggi og leikgleði! Námskeiðið er byggt upp með það að leiðarljósi að hver einstaklingur fái pláss og vægi – tækifæri til að blómstra útfrá því hvar hann er staddur. Unnið er með aðferðir leiklistarinnar útfrá lykilhugtökunum: hindranir, ásetningur og vendingar. Í upphafi eru æfingar sem allar miða að því að nemendur styrkist og skilji hvað drífur áfram senur þar sem fókusinn er út á við – á viðfangsefnið. Smám saman verða æfingarnar flóknari og senur eru unnar í hverjum tíma. Nemendur þurfa að vinna 2 og 2 og undirbúa verkefni milli tíma. Í lokin eru senur teknar upp og nemendur hafa aðgang eftir á að þeim senum sem þau unnu að.
„Takk kærlega fyrir námskeiðið, ótrúlega þakklát að fá að vinna með svona fáránlega hæfileikaríku fólki! Og takk innilega Sigrún fyrir frábært námskeið, hef aldrei lært jafn mikið!“ Björk
„Rosalega skemmtilegt og gagnlegt námskeið ! Svo er maður alltaf að fá upphringingu um hvort maður geti komið og leikið í hinu og þessu…. Mæli með þessu“ Hjördís Ásta
„Mæli hiklaust með þessu! hrikalega skemmtilegt námskeið“ Tryggvi Freyr
Námskeiðið er haldið í húsnæði Listaháskólans í Laugarnesi.
Unnið er í 6 skipti – 3 tímar í senn. Alls 18 stundir.
Kl. 19:00 – 22:00
Dagsetningar: 11, 13, 18, 20. 26. og 27. maí
Kennari námskeiðsins er Sigrún Sól
Sigrún Sól hefur kennt Senuvinnu fyrir kvikmyndir um árabil. Hún er menntuð sem leikkona, leikstjóri og leiklistarkennari.
Hún hefur bæði leikstýrt og kennt á grunnskóla, framhaldsskóla, og háskóla stigi.
Hún kenndi við leiklistardeild Listaháskóla Íslands, Kvikmyndaskóla Íslands og hefur haldið námskeið í Þýskalandi, Finnlandi og unnið hér á landi með Eistneskum leikurum gegnum Erasmus prógramm.
Sigrún Sól hefur einnig stjórnað leikaravali i kvikmyndum, sjónvarpsþáttum og auglýsingum um árabil.
Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám? Sjá frekari upplýsingar: Fræðslustyrkir
Kennari
Sigrún Sól Ólafsdóttir
Staðsetning
Húsnæði Listaháskóla Íslands í Laugarnesi
Tungumál kennslu
Íslenska
Umsóknarfrestur
11. maí 2026
