Richard Wagner: Tónskáld goðsagna og draumheima

Richard Wagner: Tónskáld goðsagna og draumheima

Námskeiðið er haldið á vegum Opna Listaháskólans í samvinnu við Sinfóníuhljómsveit Íslands og býður upp á einstakt tækifæri til að kynnast tónlist Richards Wagners, eins áhrifamesta og umdeildasta tónskálds allra tíma. Verkin hans eiga sér enga hliðstæðu; þau eru risavaxin, tilfinningaþrungin og draga áheyrendur inn í seiðandi heim goðsagna og dramatískra sagna.

Af hverju Wagner?
Tónlist Wagners er ekki bara tónlist – hún er heildstæð upplifun sem sameinar leiklist, ljóðlist og hljóðmyndir á algerlega einstakan hátt. Hann hafði mikil áhrif á framþróun óperunnar og mörg af meginþemum hans, eins og ástin, dauðinn, og örlögin, eru tímalaus og eiga enn erindi við okkur í dag.
Námskeiðið leggur sérstaka áherslu á þau verk Wagners sem eru á dagskrá hjá Sinfóníuhljómsveit Íslands í  október þar sem fluttir verða þættir úr Tristan og Ísold ásamt Forleik að Die Meistersinger von Nürnberg.

Á námskeiðinu mun Þorbjörg Daphne Hall fjalla um Wagner og verk hans, spiluð verða tóndæmi og Hanna Dóra sem einnig kemur  fram á tónleikum Sinfóníunnar með einsöngvurunum Nina Stemme og Stuart Skelton, deilir reynslu sinni af því að syngja verk Wagners.

Þátttakendur fá ekki aðeins tækifæri til að dýpka skilning sinn á verkum meistarans, heldur verður þeim einnig boðið á opna æfingu hjá Sinfóníuhljómsveitinni til að upplifa tónlistina í eigin persónu.

Kennarar
Þorbjörg Daphne Hall tónlistarfræðingur og prófessor við tónlistardeild Listaháskóla Íslands og Hanna Dóra Sturludóttir einsöngvari og prófessor við tónlistardeild Listaháskóla Íslands.

Fyrir hvern er námskeiðið?
Þetta lifandi og skemmtilega námskeið er sniðið fyrir alla sem vilja kynnast þessum mikla tónsnillingi á nýjan og áhrifaríkan hátt. Hvort sem þú ert lengra komin/n eða hefur litla forþekkingu á Wagner, þá býðst þér frábært tækifæri til að skilja tónlist hans og verðmæti hennar í menningarsögunni betur.

Skipulag

14. október kl. 15:00 til 17:00 í Listaháskóla Íslands, Stakkahlíð 1
23. október kl. 10:00 til 11:30 í Hörpu

•