Rekstur í skapandi greinum

Að hefja rekstur – 5 góð ráð!

Við upphaf rekstrar standa einstaklingar frammi fyrir ákvarðanatöku um það hvernig þeir hyggjast haga rekstri sínum. Þessu námskeiði er ætlað að svara spurningum sem vakna þegar einstaklingur er að hefja rekstur eða er nýbyrjaður að afla tekna sem sjálfstæður atvinnurekandi.

Á námskeiðinu verður fjallað um :

• Rekstrar- og félagaform (rekstur á eigin kennitölu, einkahlutafélag, sameignarfélag, samlagsfélag) og helstu einkenni þeirra.
• Skattskyldu.
• Virðisaukaskatt.
• Bókhaldsskyldu og skyldu til að skila inn ársreikningi.
• Frádráttarbæran rekstrarkostnað og hvernig hann nýtist í rekstri.
• Reglur um úttektir úr rekstri.

Markmið:

Markmið námskeiðsins er að miðla þekkingar til fólks með sinn eigin rekstur. Auka þekkingu á þeim réttindum og skyldum sem fylgja því að stofna til rekstrar og að taka upplýsta ákvörðun um það hvaða rekstrarform hentar þeirra aðstæðum best.

Skipulag:

Námskeiðið er tvö skipti, 3 klst. í senn.

Þriðjudag og miðvikudag

13. og 14. maí – 16:00-19:00

Leiðbeinandi:

Ásta Kristjánsdóttir er lögfræðingur frá Háskóla Íslands. Hennar sérsvið eru skatta- og félagaréttur og hún hefur víðtæka reynslu af ráðgjöf á því sviði. Hún starfar sem lögmaður hjá Cato lögmönnum og gegnir einnig stöðu framkvæmdastjóra hjá nýsköpunarfyrirtækinu Regn efh.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám? Sjá frekari upplýsingar: Fræðslustyrkir

•