Automatic translation by Google Translate.We cannot guarantee that it is accurate.
Skoða vefinn á ÍslenskuMetadesign aðferðafræði
Á þessu námskeiði fá nemendur tækifæri til að kynnast skapandi leiðum til að þróa hugmyndir, vinna með breytingar og finna lausnir á raunverulegum áskorunum í samfélagi og atvinnulífi. Unnið verður með aðferðafræði Metadesign og hönnunarhugsun, þar sem áhersla er lögð á samvinnu, sköpun, samtal og nýjar leiðir til að sjá tækifæri í eigin umhverfi.
Nemendur læra að greina aðstæður, sjá tengingar milli fólks, umhverfis og samfélags og þróa hugmyndir sem geta leitt til jákvæðra breytinga. Áhersla er lögð á að gera hugmyndir sýnilegar og framkvæmanlegar, frá fyrstu hugmynd að skipulagðri tillögu eða verkefni.
Námskeiðið byggir á teymisvinnu þar sem nemendur vinna saman að verkefnum sem tengjast þeirra eigin áhugasviði eða raunverulegum áskorunum úr samfélagi, atvinnulífi, skapandi greinum eða umhverfi. Með því fá þeir reynslu af hugmyndavinnu, skipulagningu, miðlun og framkvæmd verkefna í samstarfi við aðra.
Kennslan hefst á þriggja daga staðlotu þar sem nemendur taka þátt í lifandi og skapandi vinnu, læra aðferðir námskeiðsins og vinna saman að fyrstu skrefum verkefna sinna. Eftir það fer námið fram í fjarkennslu með reglulegri leiðsögn og verkefnavinnu.
Námskeiðið hentar öllum sem hafa áhuga á nýsköpun, skapandi hugsun, samfélagsþróun og því hvernig hægt er að umbreyta hugmyndum í raunverulegar aðgerðir og umbætur.
Hæfniviðmið:
Í lok námskeiðs ætti nemenda að geta:
- skilgreint og beitt lykilhugtökum úr aðferðafræði hönnunarhugsunar og Metadesign hönnunarheimspekinni
- beitt kerfisbundinni greiningu og kortlagningu til að skapa tækifæri til umbóta í eigin samfélagi
- sýnt aukna færni og næmni í þverfaglegri teymisvinnu þar sem ólíkur bakgrunnur einstaklinga er markvisst dreginn inn í hugmyndavinnu, skipulagningu, og miðlun til innleiðingar og framkvæmdar
- skipulagt, myndgert og miðlað hugmynd til innleiðingar og framkvæmdar
í skilgreindu samhengi og með skilgreind markmið.
Staðsetning: Fjarkennsla og Háskólinn á Akureyri
Kennari: Halldóra Guðrún Ísleifsdóttir
Dóra Ísleifsdóttir starfar á sviði hönnunar, fræða og rannsókna þar sem hún beinir sjónum að tengslum hönnunar, menningar og samfélags. Í verkum sínum og skrifum hefur hún rannsakað hvernig hönnun mótar afstöðu, hegðun, sjálfsmynd og sjónræna menningu og hvernig gagnrýnin nálgun getur opnað nýjar leiðir til að skilja hlutverk hönnunar í samtímanum.
Dagsetningar:
September:
Mánudagur 14.sept – kl. 4-5:30
Mánudagur 14.sept – kl. 4-5:30
Laugardagur 26 sept – kl. 10-3 – kennsla fer fram í húsnæði Háskólans á Akureyri
Sunnudagur 27 sept – kl. 10-3 – kennsla fer fram í húsnæði Háskólans á Akureyri
Október:
Október:
Mánudagur 5.okt – kl. 4-5:30
Mánudagur 12.okt – kl. 4-5:30
Mánudagur 19.okt – kl. 4-5:30
Mánudagur 26.okt – kl. 4-5:30
Nóvember:
Nóvember:
Mánudagur 2. Nóvember – kl. 4-5:30
Kennari
Halldóra Guðrún Ísleifsdóttir
Staðsetning
Fjarkennsla og Háskólinn á Akureyri
Tungumál kennslu
Íslenska
Umsóknarfrestur
11. sep 2026
