Complete vocal söngtækni

Complete vocal söngtækni
Námskeiðið er sniðið fyrir alla þá sem vilja bæta söngkunnáttu sína eða kynnast eigin rödd og læra með Complete vocal söngtækninni.

Lýsing:
Nemendum er kynnt undirstöðuatriði í “Complete Vocal” söngtækninnni. Hún byggir á nokkrum grunnþáttum í raddbeitingu sem í mismunandi samsetningum ná til allra stíltegunda, allt frá klassískum söng til þungarokks. Kennt er bæði í gegnum bóklega og verklega tíma, þ.e. fyrirlestra og masterclass. Fléttað er inn ýmsum söngfrösum og samsöng.

Í fyrirlestrunum verður farið í gegnum CVT bókina og kenndar skjótar og hagnýtar aðferðir til heilbrigðrar raddbeitingar. Þjálfaðar eru auðveldar leiðir sem hæfa rödd hvers og eins, eins er lögð áhersla á að söngvarinn læri að þekkja sína rödd og taki ábyrgð á eigin raddheilsu.

Í masterclass er unnið með söng og túlkun. Þar gefst tækifæri til að vinna músíkalskt með fraseringar og túlkun auk þess sem hægt er að prófa þá tæknilegu þætti sem farið er í gegnum á fyrirlestrum.

Námsgögn:
Notast verður við Complete Vocal Technique smáforritið eða bókina Complete Vocal Technique eftri Cathrine Sadolin (útgáfa árið 2008 eða seinna), ekki er nauðsynlegt að kaupa bókina fyrir námskeiðið.

Fyrirkomulag:

Hefst 27. október og lýkur 11. nóvember kl. 16:00-19:00

27., okt., 30. okt., 3. nóv., 6. nóv, 10. nóv og. 11. nóv.

Kennari:
Börk Jónsdóttir. Björk er tónmenntakennari og hefur stundað söng, píanónám og nám í Complete vocal tækninni. Björk er reyndur einsöngvari, söngkennari og kórstjórnandi.

•