Vinnustofa í lagasmíðum

Vinnustofa í lagasmíðum með Ólöfu Arnalds gefur einstaklingum einstakt tækifæri á samtali og speglun við Ólöfu og aðra þátttakendur.

Í vinnustofunni mun Ólöf segja frá sínu skapandi ferli og ræða opnar spurningar við nemendur á borð við „af hverju semjum við tónlist?“

Síðast en ekki síst gefst nemendum tækifæri til að flytja eigin lög í vinnslu og skoða með lifandi hætti og ræða í rauntíma þær áskoranir sem fylgja því að semja sín eigin ljóð og lög.

Ólöf Arnalds á að baki glæsilegan feril sem söngvaskáld en fimmta sólóplata hennar kemur út á þessu ári.

Ólöf hóf tónlistarnám á barnsaldri og lærði á fiðlu til 16 ára aldurs en skipti þá yfir í söng í Tónlistarskólanum í Reykjavík. Á sínum mótunar árum kom Ólöf fram og hljóðritaði tónlist með fjölda hljómsveita og tónlistarmanna eins og Múm, Slowblow og Mugison.

Hún lauk námi í tónsmíðum og nýmiðlum frá Listaháskóla Íslands en lokaverk hennar, níu ramma myndbandstónverkið Eins og sagt er, vakti mikla athygli.

Ólöf sem er sjálfmenntuð á gítar hóf feril sinn sem söngvaskáld með hljómplötunni Við og við, sem hún hlaut Íslensku tónlistarverðlaunin fyrir. Á erlendri grundu var hún valin í hópi bestu platna ársins af Paste Magazine, auk þess sem eMusic valdi hana eina af bestu plötum fyrsta áratugarins. Fyrir aðra sólóplötu sína, Innundir skinni, hlaut Ólöf Íslensku tónlistarverðlaunin sem tónsmiður ársins auk þess sem platan var tilnefnd til Norrænu tónlistarverðlaunana. Þá hefur Ólöf gefið út plöturnar Sudden Elevation og Palme en báðar hlutu þær mikið lof gagnrýnenda víða um heim.

Ólöf hefur leikið á tónleikum víðsvegar um Evrópu, Bandaríkin og Ástralíu og komið fram í útvarpi og sjónvarpi. Fjöldi dagblaða, tímarita, vefmiðla, útvarps- og sjónvarpsstöðva víðsvegar um heim hafa fjallað um hana og verk hennar. Má þar nefna The New York Times, The Guardian, Vanity Fair, Paste, BBC, KEXP og Uncut.

 

Fyrir hverja ? 

Vinnustofan er opin öllum þeim sem hafa áhuga á lagasmíðum.

Dagsetningar vinnustofu:

8. & 10. apríl – 17:00 – 20:00

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?

 

•