Skapandi heimildamyndir

Skapandi heimildamyndir

Eru heimildamyndir alltaf hlutlausar frásagnir af raunveruleikanum? 

Námskeið fyrir alla sem vilja læra meira um skapandi heimildamyndir, hvort sem þeir eru að byrja eða hafa reynslu í faginu.

Á þessu námskeiði kynnast nemendur ólíkum gerðum heimildamynda í gegnum áhorf, umræður og verkefnavinnu. Fjallað verður um möguleika miðilsins, sköpunarferlið og helstu áskoranir í þróun og framleiðslu. Við skoðum meðal annars hvað skilgreinir skapandi heimildamyndir, hvað mótar frásagnarstíl og hvernig hægt er að skrifa „handrit“ og taka ákvarðanir sem höfundur heimildamyndar.

Gert er ráð fyrir að nemendur hafi áhuga á að þróa hugmynd að heimildamynd á námskeiðinu. Að námskeiði loknu hafa nemendur unnið hugmynd sína á það stig að þau geta kynnt hana fyrir öðrum og stigið fyrstu skref í framleiðslu.

Námskeiðið samanstendur af fimm staðarlotum, tveimur einstaklings fundum (möguleiki á fjarfundi) og heimaverkefnum

Dagskrá:

 

Kennarar:

Tinna og Janus hafa starfað við heimildamyndagerð og aðra kvikmyndagerð í fimmtán ár.

Janus lærði heimildamyndaleikstjórn við Danska kvikmyndaskólann og Tinna Production Design við Danska hönnunarskólann. Hún var auk þess gestanemandi í tvö ár á heimildamyndalínu Danska kvikmyndaskólans. Þau voru listrænir stjórnendur Skjaldborgar, hátíðar íslenskra heimildamynda árin 2011–2013 og hafa kennt heimildamyndagerð á BA-stigi í Listaháskólanum. Janus hefur einnig kennt heimildamyndagerð við Kvikmyndaskólann og Háskóla Íslands.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám? Fræðslustyrkir

 

•