Raddbeiting

Á þessu námskeiði fræðumst við um raddbeitingu og hvernig sé best að tileinka sér heilbrigða nálgun á henni.

Við förum lauslega í líffræði raddarinnar, vöðvastarfssemi, hvers vegna loftflæði skiptir máli sem og líkamsstaða.

Við munum einnig skoða afleiðingar slæmrar raddbeitingar sem getur haft skaðleg áhrif á raddböndin og hvað lífsvenjur okkar hafa að segja í því samhengi.

Í lok námskeiðs hefur nemandi betri skilning á eðli raddarinnar, hvað hún er og hvernig hún virkar, hvað er „gott“ fyrir röddina og hvað er „slæmt“.

Engar forkröfur – Námskeiðið er ætlað öllum áhugasömum um söng og raddbeitingu.

Leiðbeinandi námskeiðsins er Grammy-verðlaunahafinn Dísella Lárusdóttir.

Dísella hefur unnið hvern listrænan sigurinn á fætur öðrum sem söngkona og hefur unnið að mestu við Metropolitan-óperuna í New York á sínum starfsferli.

Söngur hennar hefur hefur hlotið mikið lof gagnrýnenda, til að mynda í stórblaðinu New York Times sem hrósaði henni fyrir fádæma nákvæmni í bland við magnaða túlkun.

Hún hefur einnig láti til sín taka á óperusviðinu í Evrópu á síðustu árum og komið víða fram sem einsöngvari á tónleikasviði, meðal annars í Carnegie Hall í New York og Disney Hall í Los Angeles.

Dísella útskrifaðist með Mastersgráðu í söng og söngkennslufræðum frá Westminister Choir College of Rider University árið 2005. Hún kenndi í nokkur ár í Bandaríkjunum þar til söngurinn tók alfarið við um stund.

Hún hefur nú starfað sem kennari hjá Listaháskóla Íslands síðan 2020 og starfar einnig við Söngskólann í Reykjavík.

 

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?

 

•