Húmor í Leiklist

LADDI – Húmor í leiklist

 

Húmor er fyrirbæri sem allir þekkja en erfitt reynist að skilgreina. Flestir gera sér grein fyrir hvað vekur hjá þeim hlátur og hvað þeim finnst fyndið, en erfiðara reynist að fá aðra til að hlæja.

Á þessu námskeiði veltum við fyrir okkur hverskyns gamanefni og berum saman fjölmargar tegundir af húmor. Einnig freistum við þess að reyna að fá samferðafólk okkar til að hlæja og rannsökum hvað vekur hlátur og hvað vekur ekki hlátur.

Húmor er ekki bara grín og gamanmál heldur einnig samskiptatæki sem á sér margar hliðar. Húmor getur verið hamingjuaukandi afl, heilsubót, eineltistæki og hárbeitt vopn, svo eitthvað sé nefnt.

Hópurinn mun að auki fá að glíma við að flytja texta (gamanefni)  með það að markmiði að fá aðra til að hlæja.

Þátttakendur fá að fræðast um frægasta gamanleikara þjóðarinnar LADDA og fá innsýn inn í leikverkið Þetta er Laddi sem verið er að vinna í Borgarleikhúsinu um þennan fjölhæfa listamann. Einnig fáum við tækifæri til að fylgjast með æfingu í Borgarleikhúsinu og spjalla við aðstandendur leikverksins.

Þátttakendum stendur til boða að fá tvo miða á afslætti á forsýningu á verkinu í Borgarleikhúsinu 6.mars kl.20:00.

Námskeiðið er kennt 26. & 27. febrúar

26. febrúar  Kl. 17:00-19:00 – Vinnustofa með Eddu

27. febrúar kl. 20:00-22:00  – Innlit á æfingu á Þetta er Laddi í Borgarleikhúsinu

Leiðbeinandi:

Edda Björgvinsdóttir er leiðbeinandi á þessu námskeiði og lauk Edda prófi frá Leiklistarskóla Íslands 1978. Edda hefur lokið Meistaraprófi í Menningarstjórnun, Diplómu á meistarastigi í Jákvæðri Sálfræði og einnig Sálgæslu. Meðfram leiklistinni hefur EB haldið fyrirlestra og námskeið í velflestum fyrirtækjum landsins og félagasamtökum þar sem boðið er uppá ýmis konar þjálfun, t.d. húmor í samskiptum, tjáningu, ræðumennsku, sjálfsstyrkingu, framsögn o.fl.

Styrkur

Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám?

 

• 

•