Ballett fyrir fullorðna

BALLETT FYRIR FULLORÐNA
Á námskeiðinu verður lögð áhersla á samhæfingu, flæði í hreyfingum, öndun og bætta líkamsstöðu í gegnum ballettæfingar. Markmiðið er að njóta sín í gegnum ballettformin, jafnvel endurvekja gamla ást á þessari frábæru danstækni sem leggur grunn að svo mörgum öðrum stílum.
Uppbygging tímans er hefðbundin, byrjað er á stönginni, þá æfingar í miðjum sal, ferðast horn úr horni og hopp í lokin. Æskilegt er að búa yfir grunni í ballett en námskeiðið er opið fyrir alla.

Dagsetningar: 17.febrúar – 24.mars

Staðsetning: Húsnæði Listaháskólans í Laugarnesi

Kennt á þriðjudögum   kl.17.30 – 18.45

Kennari: Halla Þórðardóttir
Halla Þórðardóttir hefur starfað sem atvinnudansari hérlendis og erlendis um árabil. Hún var fastráðin við Íslenska dansflokkinn 2013-2024, auk þess að hafa m.a. dansað með Konunglega sænska ballettinum, danshöfundunum Söshu Waltz og Damien Jalet, sem og í fjölmörgum kvik- og dansmyndum. Halla hefur víðfeðma reynslu af danskennslu, þessi misserin er hún stundakennari á samtímadansbraut LHÍ og kennir við Listdansskóla Íslands.

• 

•